RMİD, ARED və TÜİB Arasında 3 Tərəfli Əməkdaşlıq Memorandumu İmzalandı
2024-cü ilin 22 dekabr tarixində Reklam və Marketinq Sahəsinin İnkişafına Dəstək İctimai Birliyi (RMİD), Açıkhava ve Endüstriyel Reklamcılar Derneği (ARED) və Türkiyə-Azərbaycan İş Adamları Sənayeçiləri Birliyi (TÜİB) arasında 3 tərəfli əməkdaşlıq memorandumu imzalanmışdır.
Memorandumun əsas məqsədi, iki ölkə arasında əməkdaşlığın gücləndirilməsi, reklam fəaliyyəti üzrə təcrübə mübadiləsinin aparılması və davamlı inkişaf məqsədlərinə uyğun birgə layihələrin icra olunmasıdır.
Memorandum RMİD-in İdarə Heyətinin sədri Xəyalə Mütəllimova, ARED-in İdarə Heyətinin sədri Şahin Acar və TÜİB-in İdarə Heyətinin sədri Hüseyin Büyükfırat tərəfindən imzalanmışdır. Görüşdə həmçinin RMİD-in İdarə Heyətinin üzvləri, RMİD-in əməkdaşları və TÜİB-in əməkdaşları iştirak etmişdir.
Bundan əlavə, RMİD və ARED nümayəndələri ilə "Azpromo" (Azərbaycan Respublikasının İxracın və İnvestisiyaların Təşviqi Agentliyi) və "TÜİB"-in İdarə Heyətinin sədri Hüseyin Büyükfırat arasında da məhsuldar bir görüş baş tutmuşdur.